Delhi: amashuri yafunzwe kubera ikirere gihumanye

Ibyotsi mu kirere Uwufise ububasha kw’isanamu AFP

Abategetsi mu murwa mukuru w'Ubuhinde, Delhi, bafashe icyemezo cyo gufunga amashuri mu gihe cy'iminsi itatu guhera ejo kuwa mbere kubera umwuka w'ikirere wanduye cyane.

Ikirere ngo kiranduye ku rugero rungana na 70% kure cyane y'igipimo mfatizo cy'ishami rya ONU ryita ku buzima.

Uwufise ububasha kw’isanamu AFP
Image caption Imyigaragambyo y'abamagana ibyotsi bihumanya ikirere i Delhi.

Leta kandi yabaye ihagaritse mu gihe cy'iminsi itanu ibikorwa byo kubaka no gusenya amazu.

Ministri ushinzwe ibidukikije yavuze ko ibi ari ibihe bidasanzwe.

Abantu babarirwa mu magana bakoze imyigaragambyo yo kwamagana urugero rukabije rw'ibyotsi bihumanya ikirere.

Bari bambaye ibintu bibapfuka amazuru nkuko bari babigiriwemo inama na bimwe mu bigo by'amashuri.

Uwufise ububasha kw’isanamu AP
Image caption Gutwika ibisigazwa by'ibihingwa mu giturage biri mu byanduza ikirere.

Umwana w'imyaka 12 yagize ati: "Ndi hano kugirango mparanire uburenganzira bwanjye bwo guhumeka".

Zimwe mu mpamvu zatumye umwuka abantu bahumeka uba mubi harimo ibyotsi biva mu modoka no gutwika ibisigazwa by'ibihingwa mu giturage.