Ibitero by'inyeshyamba ku mujyi wa Raqqa

Inyeshyamba zo muri Syria Uwufise ububasha kw’isanamu Reuters
Image caption Inyeshyamba zo muri Syria

Inyeshyamba zishyigikiwe na Amerika mu majyaruguru ya Syria zatangaje ko zatangiye igikorwa cyo gufata umujyi wa Raqqa wabaye indiri y'umutwe wiyita Leta ya Kiyislamu muri icyo gihugu.

Ibitero by'umutwe w'ingabo ziharanira demokarasi muri Syria, Syria Democratic Forces, bizaterwa inkunga n'indege z'intambara za Amerika.

Amerika yashakaga cyane ko ibitero byo kwirukana umutwe wa IS mu mijyi ya Mosul na Raqqa bibera rimwe.

Icyari kigamijwe kwari ukugirango abarwanyi b'umutwe wiyita Leta ya Kiyisilamu baneshejwe i Mosul badahungira i Raqqa muri Syria.

Izo nyeshyamba zishyigikiwe na Amerika muri Syria zigizwe n'abarwanyi b'abarabu ariko zinganjemo cyane imitwe yitwaje intwaro y'abakurude.

Ibyo rero abakurikiranira hafi ibibera mu burasirazuba bwo hagati bakavuga ko bishobora guteza ikibazo.