Ingabo z'abakurde zafashe Bashiqa muri Irak

Ingabo z'abakurde zinjira mu mujyi wa Bashiqa. Uwufise ububasha kw’isanamu Reuters
Image caption Ingabo z'abakurde zinjira mu mujyi wa Bashiqa.

Ingabo z'abakurude zinjiye mu mujyi wa Bashiqa ugenzurwa n'umutwe wiyita Leta ya kiyisilamu mu majyaruguru y'uburasirazuba bwa Mosul.

Abarwanyi b'aba Peshmerga babarirwa mu magana - batewe inkunga n'indege z'ingabo z'amahanga ziyobowe n'abanyamerika - binjiriye ahantu hatatu mu mujyi wa Bashiqa.

Amakuru aturukayo avuga ko batangiye barasa ibisasu biremereye n'ibisasu byo mu kirere.

Abasirikare bari mu bifaro ngo bahise binjira muri uwo mujyi.

Ku mugoroba barimo basaka inzu ku yindi nkuko bitangazwa mu itangazo ry'aba Peshmerga.

Ingabo z'abakurude zari zimaze ibyumweru zigose uwo mujyi wa Bashiqa.

Iki gitero kiri mu mugambi wagutse ugamije kwirukana abarwanyi ba IS mu mujyi wa Mosul n'uturere tuwegereye.

Hagati aho, igisirikare cya Irak kiravuga ko cyabonye icyobo cyahambwemo abantu bagera ku 100 mu majyepfo y'umujyi wa Mosul.