Ibiganiro ku ihindagurika ry'ibihe: Dutabare mu kibazo cy'ihinduka ry'ibihe, Amerika iratakambirwa.

Frank Bainimarama mu nama Uwufise ububasha kw’isanamu UNFCCC
Image caption Minisitiri w'Intebe wa Fiji Frank Bainimarama yabwiye abitabiriye inama ko ihindagurika ry'ibihe atari igihuha

Umuyobozi mushya w'itsinda rizayobora ibiganiro bya LONI ku ihindagurika ry'ikirere yasabye Leta Zunze Ubumwe "gutabara" ibirwa bya Pasifike kubera ingaruka ziterwa n'ubushyuhe budasanzwe.

Minisitiri w'Intebe wa Fiji Frank Bainimarama yavuze ko ibi birwa bikeneye Amerika ku buryo nk'ubwo byari biyikeneye mu gihe cy'intambara ya kabiri y'isi.

Ibi yabivuze igihe inama mpuzamahanga yiga ku bibazo by'ihindagurika ry'ibihe yasozwaga i Marrakech muri Maroke.

Bwana Bainimarama yavuze ko ihindagurika ry'ibihe atari igihuha, nk'uko perezida mushya wa Amerika, Donald Trump abitekereza.

Bwana Trump yasezeranyije gukura Amerika mu masezerano mpuzamahanga yashyizweho umukono i Paris ndetse akanahagarika amafaranga yose Amerika itanga mu mishinga ya LONI yo kurwanya ihindagurika ry'ibihe.

Ariko igihe yemeraga uruhare rwo kuyobora inama itaha izabera muri Fiji, umuyobozi w'icyo gihugu yasabye perezida mushya wa Amerika kureka ibitekerezo bye bitemera ubukana bw'iki kibazo.

Bwana Bainimarama yagize ati: "Ndongera gusaba perezida wa Amerika Donald Trump kwerekana ubuyobozi kuri iki kibazo areka uruhande [ahagazeho] ko ihindagurika ry'ibihe riterwa n'umuntu ari ibihuha."

"Ibitandukanye ni uko, umurongo uhuriweho n'abahanga ni uko dukwiye gukora ku buryo bushimitse mu kwirinda akaga."

Uwufise ububasha kw’isanamu Greenpeace
Image caption Abaharanira kurwanya ihindagurika ry'ibihe bafashe iyi foto mu gihe bari mu nama i Marrakech

Yanahamagariye Abanyamerika gufasha mu kurwanya ikibazo cy'izamuka ry'inyanja, riterwa n'ubushyuhe.

Nyuma y'ibiganiro byamaze ibyumweru bibiri i Marrakech, ababyitabiriye bageze ku mwumvikano ko bakeneye gutera izindi ntambwe ku masezerano yagezweho.

Uwufise ububasha kw’isanamu Getty Images
Image caption Minisitiri w'Ububanyi n'amahanga wa Amerika, John Kerry yavuze ijambo rikomeye rishyigikira kurwanya ihindagurika ry'ibihe.