Ishyaka ry'Abarepubulikani mu Bufaransa mu matora y'ibanze

Umukandida w'ishyaka ry'Abarepubulikani azahura n'umuyobozi w'ishyaka ry'abagendera ku buhezanguni, Marine Le Pen Uwufise ububasha kw’isanamu EPA
Image caption Umukandida w'ishyaka ry'Abarepubulikani azahura n'umuyobozi w'ishyaka ry'abagendera ku buhezanguni, Marine Le Pen

Abaturage mu Bufaransa bategerejwe kwitabira amatora y'ibanze asa n'ayo muri Leta Zunze Ubumwe za Amerika mu guhitamo umukandida uzahagararira ishyaka ry'abagendera ku mahame yo hagati mu matora y'umukuru w'igihugu umwaka utaha.

Abakandida barindwi ni bo bari guhatana mu ishyaka ry'Abarepubulikani.

Abari ku isonga barimo n'uwahozea ari perezida Nicolas Sarkozy n'uwahoze ari minisitiri w'intebe Alain Juppe ndetse na Francois Fillon.

Uzatsinda amatora y'ibanze mu ishyaka ry'abagendera ku matwara adashaka impinduka yizeye ko azagera ku cyiciro cy'amatora ya perezida, aho uzatsinda azahangana na Marine Le Pen wo mu ishyaka ry'abahezanguni.

Ibitecyerezo biva mu baturage mbere y'amatora byerekana ko umukandida w'ishyaka ry'Abarepubulikani azatsinda amatora. Amacakubiri ari mu ishyaka ry'Abasosialisite (Socialistes) asa n'atazatuma azarenga ikiciro cya mbere cy'amatora.

Amatora yo mu ishyaka ry'abagendera ku mahame yo hagati azakorwa mu byiciro bibiri. Abakandida babiri baza kuza ku isonga mu matora yo ku Cyumweru bazahangana mu cyiciro cya kabiri mu cyumweru kimwe.

Amatora kandi ntareba abarwanashyaka gusa. Abayagiramo uruhare bashyira umukono ku nyandiko bemera ko "basangiye amahame ya repubulika iburyo no hagati".

Abakandida ni:

  • Nicolas Sarkozy, w'imyaka 61, wananiwe gutsinda manda ya kabiri muri 2012 nyuma y'imyaka itanu. Kuva icyo gihe yagiye ku ruhande rukaze ku ngingo y'abimukira ndetse n'ibibazo by'umutekano.
  • Alain Juppe, w'imyaka 71, wiyamamaje nk'ushyira mu gaciro kandi ahuza impande zombi nyuma y'ibitero by'abarwanyi ba jihadi. Abonwa nk'uri ku isonga.
  • Francois Fillon, w'imyaka 62, yahoze ari minisitiri w'intebe ku butegetsi bwa Bwana Sarkozy kandi yasezeranyije impinduka mu rwego rw'amasoko. Ari kuzamuka mu majwi.
  • Bruno Le Maire, w'imyaka 47, ntamenyerewe cyane kandi afite iturufu y'ikoranabuhanga. Aha Abafaransa "inyandiko ya kontalo iri mu mpapuro 1.000."
  • Nathalie Kosciusko-Morizet, w'imyaka 43, yahoze ari minisitiri w'ibidukikije anasaba ko urumojyi rwemerwa n'amategeko.
  • Jean-Francois Cope, w'imyaka 52,wahoze ayobora ishyaka.
  • Jean-Frederic Poisson, w'imyaka 53, agendera ku mahame y'ibyakjera kandi atsindagira indangagaciro za gikirisitu cyane.