Trump: Uwateye i Ohio ntiyari akwiye kwinjira muri Amerika

Uwagize igitero kuri kaminuza ya Ohio, Abdul Razak Ali (mu buryo)
Image caption Uwagize igitero kuri kaminuza ya Ohio, Abdul Razak Ali (mu buryo)

Prezida aherutse gutorwa muri Amerika, Donald Trump yavuze ko impunzi yo muri Somalia yagize igitero kuri kaminuza ya Ohia ku musi wa mbere, atari akwiye kuronka uruhusha rwo kwinjira muri ico gihugu.

Trump yavuze ko abagwanyi ba IS bivuga amazina kuri ivyo bitero vyakomerekeje abantu 11.

Umugwi w'abo bagwanyi wavuze ko uwo munyeshure yiga ivyo ubudandaji Abdul Razak Ali Artan nk' "umusirikare".

Image caption Uwagize igitero i Ohio

Nyina w'uwo musore w'imyaka 18 yavuze ko uwo muhungu wiwe atigeze yerekana ikimenyetso na kimwe c'uko ashobora kugira ico gitero muri kaminuza ya Ohio mu gisagara ca Colombus.

Umushikiranganji w'intwaro yo hagati mu gihugu, Jeh Johnson yavuze ko abagira amatohoza batarabona isano na rito hagati ya Artan n'umugwi uwo ari wo wose w'iterabwoba.

Umukozi akomeye w'ikigo kijejwe iperereza muri Amerika FBI, Angela Byers yavuze ko Artan ashobora kuba yabisabwe n'umukuru wa Al-Qaeda, Anwar al-Awlaki yiciwe mu bitero vy'indege zitagira umudereva mu gihugu ca Yemen mu 2011.

Image caption Umupolisi yishe uwagize igitero kuri kaminuza ya Ohio

Artan yari impunzi yahungiye muri Amerika n'umuryango wiwe mu 2014 avuye muri Pakistan aho yaba kuva mu 2007.