Trump yavuganye n'umukuru wa Taiwan

Donald Trump n'uwatorewe kuyobora Taiwan, Tsai Ing-wen. Uwufise ububasha kw’isanamu AP
Image caption Donald Trump n'uwatorewe kuyobora Taiwan, Tsai Ing-wen.

Donald Trump, uherutse gutorerwa kuyobora Leta zunze ubumwe za Amerika, yavuganye na perezida wa Taiwan.

Hari hashize imyaka myinshi nta mutegetsi wo muri Amerika ubikora kugirango batarakaza Ubushinwa.

Bwana Trump, ku rubuga rwa Twitter, yavuze ko Perezida Tsai Ing-wen yamuterefonye, ariko Taiwan ivuga ko impande zombi zari zabyumvikanyeho.

Uwufise ububasha kw’isanamu Reuters
Image caption Perezida wa Taiwan, Tsai Ing-wen, aganira kuri telefoni na Donald Trump.

Minisitiri w'ububanyi n'amahanga w'Ubushinwa, Wang Yi, yavuze ibi ntacyo bizahindura kuri politiki y'igihugu cye ifata Taiwan nk'intara y'Ubushinwa.

Leta zunze ubumwe za Amerika zacanye umubano ushingiye kuri za ambasade na Taiwan muri 1979.

Ubushinwa na Taiwan byatandukanye muri 1949 igihe leta yariho mu Bushinwa icyo gihe yahungiraga muri Taiwan imaze gutsindwa n'abakomunisiti bari bayobowe na Mao Zedong.

Uwufise ububasha kw’isanamu Getty Images
Image caption Mu Bushinwa barakurikiranira hafi uko Donald Trump yitegura gutegeka.

Iyo leta yafashe umwanya w'Ubushinwa mu kanama ka ONU gashinzwe umutekano ku isi kandi yamaze igihe ibihugu by'Uburayi na Amerika byemera ko ariyo yonyine ihagarariye icyo gihugu.

Ibindi bisa n’ibi