Inyeshyamba zatakaje hanini muri Aleppo

Ingabo za leta ya Syria mu burasirazuba bwa Aleppo Uwufise ububasha kw’isanamu AFP/Getty Images
Image caption Ingabo za leta ya Syria mu burasirazuba bwa Aleppo

Hafi bibiri bya gatatu by'uburasirazuba bw'umujyi wa Aleppo muri Syria hagenzurwa n'inyeshyamba hamaze kwisubizwa n'ingabo za leta.

Biravugwa ko akarere ka Tariq al-Bab kigaruriwe n'ingabo za leta kuwa gatanu, bityo hafunguka inzira ihuza uduce tugenzurwa n'ingabo za leta n'ikibuga cy'indege.

Mu byumweru bitatu bishize, uduce twinshi tw'umujyi wa Aleppo twari mu maboko y'inyeshyamba twisubijwe n'ingabo za leta.

Abantu bagera ku bihumbi magana abiri na mirongo itanu baracyagoswe n'imirwano.

Ababarirwa mu bihumbi byinshi bavanywe mu byabo n'intambara.

Umuryango w'abibumbye muri kino cyumweru wavuze ko ibintu bimeze nabi cyane mu burasirazuba bwa Aleppo ku buryo bigeze aho abarwayi basigaye babagwa nta kinya.

Abantu byibura 300 bamaze kugwa mu bitero by'ingabo za leta mu burasirazuba bwa Aleppo.