Dos Santos ntaziyamamaza mu matora ataha

Perezida Jose Eduardo dos Santos Uwufise ububasha kw’isanamu AFP
Image caption Perezida Jose Eduardo Dos Santos amaze imyaka irenga mirongo ku butegetsi.

Radio ya leta muri Angola yatangaje ko Perezida Jose Eduardo Dos Santos ataziyamamaza mu matora rusange ateganijwe mu mwaka utaha.

Dos Santos, w'imyaka 74 y'amavuko, amaze imyaka irenga mirongo itatu ayobora Angola ikize cyane kuri peteroli.

Umuryango we kandi ufite ijambo rikomeye haba mu butegetsi cyangwa se mu bucuruzi muri icyo gihugu.

Yabaye umwe mu bakuru b'ibihugu bageze ku butegetsi bakiri bato kuko yari afite imyaka 37.

None yongeye kujya mu mateka nk'umutegetsi ubumazeho imyaka myinshi ariko akiyemeza kubuvaho.

Radio ya leta yavuze ko minisitiri w'ingabo, Joao Lourenco, ariwe ugiye kumusimbura ku mwanya w'umukuru w'ishyaka riri ku butegetsi rya MPLA.

Ibi bishatse kuvuga ko ashobora gusimbura Dos Santos ku butegetsi ishyaka rya MPLA niritsinda amatora yo mu mwaka utaha.