Bresil: imirambo y'abakinnyi yatahukanywe

Uwufise ububasha kw’isanamu Reuters

Imirambo y'abakinnyi bo muri Bresil baguye mu mpanuka y'indege yabereye muri Colombia yatahukanywe mu gihugu aho bagomba kubasezeraho mu cyubahiro.

Abantu 71 nibo baguye muri iyo mpanuka yahekuye ikipe y'umupira w'amaguru ya Chapecoense yo muri Bresil.

Abantu barenga 100 000 byitezwe ko baza kwitabira umuhango wo kubibuka uza kubera ku sitade ya Chapecoense mu mujyi wa Chapeco.

Abantu batandatu bonyine nibo barokotse iyo mpanuka yabereye hafi y'umujyi wa Medellin muri Colombia aho iyo kipe yagombaga gukinira umukino wa nyuma mu irushanwa ryo muri ako karere.

Uwufise ububasha kw’isanamu EPA
Image caption Abafana b'ikipe ya Chapecoense mu gahiinda.

Icyateye iyo mpanuka ntabwo cyari cyamenyekana.

Ariko rero amajwi yo mu byuma bibika ibiganiro by'abapiloti n'abayobora indege yerekanye ko umupiloti w'iyo ndege yasabye uruhushya rwo kuyigusha ku kibuga byihutirwa kubera ibura rya lisansi.

Uwufise ububasha kw’isanamu AP
Image caption Iyo mpanuka yahitanye abakinnyi hafi ya bose ba Chapecoense n'abanyamakuru 20 bari babaherekeje.

Perezida wa Bresil, Michel Temer, yari mu banyacyubahiro bari ku kibuga cy'indege igihe imirambo yahageraga.

Ntabyo byitezwe ko aza kwitabira umuhango uza kubera kuri sitade ya Chapecoense kubera impungenge ko hashobora kuba imyigaragambyo.