Abakinnyi b'Uburusiya barashinjwa gukoresha imiti itemewe

Uwufise ububasha kw’isanamu Rex Features

Uyoboye iperereza ku bakinnyi ngororangingo b'Uburusiya bashinjwa gukoresha imiti itemewe n'amategeko ibongerera ubushobozi yatangaje ko abakinnyi b'abarusiya barenga igihumbi bijanditse mu gukoresha iyo miti no muri gahunda yo kubihishira.

Ibyo ngo byabangamiye cyane igihe kirekire amarushanwa mpuzamahanga.

Richard McClaren uyoboye iryo perereza yavuze ko ikipe y'Uburusiya mu mikino olimpike y'i Londres muri 2012 yangije isura y'iyo mikino ku rugero rutari rwarigeze rugerwaho.

Yongeye ko ibimenyetso simusiga byerekanye ko inzego za leta y'Uburusiya zashyizeho gahunda yari igamije gutuma abakinnyi bafashe imiti myinshi itemewe badashobora gufatwa.