Ubutabazi bwa Aleppo: Akanama k'Umutekano kagiye gufata icyemezo ku bijyanye no kohereza abagenzuzi muri Aleppo

Umunya Siriyakazi ari imbere y'ibiro bya LONI i Jordan muri Amman arasaba ko hagira igikorwa Uwufise ububasha kw’isanamu EPA
Image caption Umunya Siriyakazi ari imbere y'ibiro bya LONI i Jordan muri Amman arasaba ko hagira igikorwa

Akanama k'umutekano ka LONI kazatora ku Cyumweru ku cyemezo kureba niba kakohereza abagenzuzi mu mujyi wazahajwe n'intambara wa Aleppo.

Ubufaransa bwasabye ko abagenzuzi bakwiye kureba uko ibikorwa by'ubutabazi bigenda bagatanga raporo ku buryo abasivile barindwa.

Abaturage benshi baheze mu burasirazuba bw'umujyi mu mbeho nyinshi bategereje gutabarwa.

Gahunda y'ibikorwa by'ubutabazi bw'abasivile yaburijwemo ku wa Gatanu, ariko amakuru yavuze ko undi mwuvikano wagezweho nyuma.

Uwufise ububasha kw’isanamu AP
Image caption Ubufaransa bwasabye ko LONI yohereza abagenzuzi muri Aleppo

Umuyobozi w'Umuryango Mpuzamahanga Utabara Imbabare, (International Red Cross) yagize ati:

"Twiteguye gusubukura ibikorwa byo gutabara abasivile mu burasirazuba bwa Aleppo, dufite icyizere ko bizaba ku Cyumweru mu gitondo."

Uwufise ububasha kw’isanamu AFP
Image caption Ifoto yafatiwe mu gace kagenzurwa n'inyeshyamba yerekana umwotsi ucumba mu nyubako uri mu mujyi wa Foah ugenzurwa na guverinoma

Mounir Hakimi, umuyobozi w'umuryango utabara, Syrian Relief, yabwiye BBC ko wari utegereje ku mupaka wa Siriya na Turukiya mu bikorwa by'ubutabazi.

Yagize ati:

"Dutegereje ko amasezerano ashyirwa mu bikorwa na none," "Amakuru mfite muri iki gitondo ni uko amasezerano yagezweho mu masaha atandatu ashize, kandi itsinda ririteguye."

Uwufise ububasha kw’isanamu AP
Image caption Ubufaransa bwasabye ko LONI yohereza abagenzuzi muri Aleppo

Abdulkafi al-Hamdo, umwarimu ukiri mu burasirazuba bwa Aleppo ari kumwe n'umwana we muto w'umukobwa yabwiye BBC kuri telefoni ko adashaka kuva mu rugo rwe cyangwa mu mujyi we ariko ko nta mahitamo afite