Christine Lagarde: Umuyobozi wa IMF yahamijwe icyaha cy'uburangare

Mbere y'urubanza Madamu Lagarde yavuze byashyize we n'umuryango we, mu bihe by'ikigeragezo. Uwufise ububasha kw’isanamu AFP
Image caption Mbere y'urubanza Madamu Lagarde yavuze byashyize we n'umuryango we, mu bihe by'ikigeragezo.

Urukiko rwo mu bufaransa rwahamije icyaha cy'uburangare umuyobozi w'Ikigega Mpuzamahanga cy'Imari, IMF, Christine Lagarde, ariko ntirwamuha igihano na kimwe.

Madamu Lagarde w'imyaka 60, yaburanishwaga ku byaha by'uburangare nk'umuntu uri mu mwanya w'ubutegetsi.

Yahamwe n'icyaha cy'uburangare kubera kwishyura impozamarira yatanzwe mu myaka umunani ishize igihe yari minisitiri w'imari mu Bufaransa.

Urubanza rwe rwaburanishijwe n'urukiko rudasanzwe I Paris, rwafashe icyemezo cyo kutamuha igihano cyangwa ngo rumukorere dosiye y'ibyaha.

Ni ibirego byari bishingiye ku kayabo karenga miliyoni 400 z'amadolari zishyuwe umuherwe Bernard Tapie.

Umuvugizi wa IMF, yavuze ko inama y'ubutegetsi bw'ikigo iri buhure igafata icyemezo gishingiye ku myanzuro y'urubanza.

Abanyamategeko ba Madamu Lagarde bavuze ko bari busuzume niba bazajurira.

Uwufise ububasha kw’isanamu Reuters

Ikibazo cya Madamu Lagarde rwatangiye mu myaka iyinga 1990, igihe Bwana Tapie yari umunyamigabane ufite ubwiganze mu ruganda rwa Adidas rwamamaza ibya siporo.

Nyuma yo gutangiza ibikorwa bye bya politike no kuba minisitiri muri guverinoma y'abasosiyaliste ya perezida Francois Mitterrand mu 1992, Bwana Tapie yagombaga kugurisha icyo kigo.

Uwufise ububasha kw’isanamu AFP
Image caption Bernard Tapie yategetswe gusubiza miliyoni 400 z'amadolari ariho n'inyungu