Impanuka y'idege y'Uburusiya: Agasanduku ka mberek'umukara kazanywe i Moscow

Abantu batandukanye bashyize indabo ku gituro cy'inyubako ya Alexandrov Ensemble i Moscow Uwufise ububasha kw’isanamu AP
Image caption Abantu batandukanye bashyize indabo ku gituro cy'inyubako ya Alexandrov Ensemble i Moscow

Agasanduku k'umukara k'indege ya gisirikare y'Uburusiya yaguye mu Nyanja y'Umukara ku Cyumweru kavumbuwe kajyanwa i Moscow.

Ni agasanduku ka mbere "black box" kabonetse mu ndetse Tu-154, yari itwaye abantu 92 bose bapfuye.

Indege yahanutse nyuma y'igihe gito imaze gutsimbura iva ku kibuga cy'indege mu mujyi wa Sochi.

Yari itwaye abahanzi bari bagiye gukorera igitaramo ingabo z'Uburudiya muri Siriya, abri kumwe n'abanyamakuru ndetse n'abasirikare.

Ibikorwa byo gushakisha imirambo biracyakomeje, hari amakuru ataremezwa neza avuga ko kuri uyu wa KAbiri hari imirambo y'abantu 16 yavumbuwe.

Minisiteri y'ingabo yavuze ko indege yazimiye nyuma y'iminota ibiri gusa imaze kuguruka ku kibuga cy'indege cya Adler saa 02:25 ku isaha mpuzamahanga ya GMT.

Indege yaturutse i Moscow ibanza kujya i Sochi kuywa amavuta.

Yari itwaye abantu 64 bagize itsinda ry'umuziki mu gisirikare rizwi cyane ku izina rya Alexandrov, ndetse n'umugore ukora mu muryango w'ubutabazi, Yelizaveta Glinka, uzwi ku izina rya Dr Liza, umuyobozi w'umuryango w'ubutabazi "Fair Aid".

Uwufise ububasha kw’isanamu AFP
Image caption Ubwato bw'Uburusiya bumaze iminsi bushakisha ibisigazwa by'indege mu nyanja

Andi makuru aravuga ko akandi gasanduku ka kabiri k'indege katahuwe aho gaherereye, ko gashobora kuzanwa vuba.

Ntibisobanutse neza icyateye iyi mpanuka n'ubwo minisitiri wo gutwara abantu n'ibintu, Maxim Sokolov, yahakanye amakuru y'uko yaba yatewe n'igitero cya bombe.

Yatsindagiye ko abakora iperereza bari kureba niba ikosa ry'umudelevu cyangwa ikibazo cya tekiniki byaba ari byo byateye indege guhanuka.

Amakuru ava ku bantu bari hafi y'iperereza yabwiye Interfax ko indege ishobora kuba yari ipakiye birenze ubushobozi.

Uwufise ububasha kw’isanamu AFP
Uwufise ububasha kw’isanamu Reuters

Ibindi kuri iyi nkuru