Umwumvikano wa politiki muri RDC wasinywe

Perezida Joseph Kabila yageze ku butegetsi muri 2001. Uwufise ububasha kw’isanamu AFP
Image caption Perezida Joseph Kabila yageze ku butegetsi muri 2001.

Leta ya Repubulika iharanira demokarasi ya Congo n'abatavuga rumwe nayo baraye bashyize umukono ku masezerano yo kurangiza ikibazo cya politiki gishingiye ku matora.

Kuwa gatandatu,umuhango wo gushyira umukono kuri ayo masezerano wari wabanje gutsinzwa cyane.

Manda ya Perezida Joseph Kabila yarangiye hagati mu kwezi kwa cumi na kabiri. Amatora yagombaga kuba yigijwe inyuma.

Uwufise ububasha kw’isanamu AFP
Image caption Ibiganiro byari bihagarariwe na Kiliziya gatolika. Uriya wambaye ikanzu ni Musenyere Marcel Utembi.

Kuwa gatanu nijoro, abahuza bo muri Kiliziya gatolika bari bavuze ko amasezerano yari hafi gushyirwaho umukono.

Ariko rero kuwa gatandatu mu gitondo byagaragaraga ko ntaho byari byagera.

Abahagarariye ibihugu byabo bari bitabiriye umuhango wo gushyira umukono kuri ayo masezerano maze mu nyuma barigendera bamaze kumenya ko uwo muhango wasubitswe.

Uwufise ububasha kw’isanamu Reuters
Image caption Imyigaragambyo yamagana itinzwa ry'amatora yahitanye muri uno mwaka abantu babariwa muri mirongo

Mbere y'uko umwaka urangira mu ijoro nibwo impande zombi zashyize umukono kuri ayo masezerano.

Ayo masezerano ateganya ko ko Perezida Joseph Kabila azaguma ku butegetsi kugeza amatora abaye mu mwaka utaha wa 2017 kandi hakajyaho leta y'inzubacyuho iyobowe na ministri w'intebe uzatangwa n'abatavuga rumwe na leta.