Imirwano ishobora gusubukurwa muri Syria

Perezida Erdogan wa Turikiya (ibumoso) na Perezida Putin w'Uburusiya nibo bahagarariye ayo masezerano. Uwufise ububasha kw’isanamu Getty Images
Image caption Perezida Erdogan wa Turikiya (ibumoso) na Perezida Putin w'Uburusiya nibo bahagarariye ayo masezerano.

Inyeshyamba zo muri Syria ziravuga ko zishobora kuva mu masezerano yo guhagarika imirwano niba uruhande rwa leta rudahagaritse ibitero ku turere zigenzura.

Mu itangazo ryashyizwe ahagaragara, inyeshyamba zibumbiye mu mutwe wa Free Syrian Army n'indi mitwe zahaye Uburusiya kugeza isaa kumi n'ebyiri ku isaha mpuzamahanga ya GMT kuba bwahagaritse ibitero byose by'ingabo za leta ya Syria.

Ngo nibitaba ibyo ayo masezerano kuri zo azaba nta gaciro agifite.

Uwufise ububasha kw’isanamu LOUAI BESHARA/AFP/GETTY IMAGES
Image caption Inkunga ya gisirikare y'Uburusiya kuri leta ya Perezida Assad wa Syria yatumye inyeshyamba zitakaza ingufu.

Ibi bitangajwe mbere yuko akanama ka ONU gashinzwe umutekano ku isi kiga umushinga watanzwe n'Uburusiya ushyigikiye amaserano yo guhagarika imirwano.

Kugeza ubungubu imirwano yari yarahagaze mu turere twinshi nubwo bwose hacagamo ibikorwa byo gukozanyaho ndetse n'ibitero by'indege.