Ibitero bya Irak hafi ya Syria

Uwufise ububasha kw’isanamu AFP
Image caption Umwaka ushize ingabo za leta ya Irak zishubije umujyi wa Falluja.

Ingabo za Iraki ziravuga ko zagabye igitero kigamije kwigarurira imijyi iri hafi y'umupaka wa Syria igenzurwa n'abarwanyi b'umutwe wiyita Islamic State.

Iki gitero gihuriwemo n'ingabo, abapolisi ndetse n'abarwanyi gakondo.

Bashyigikiwe n'urusobe rw'ingabo z'amahanga ziyobowe na Leta Zunze Ubumwe za Amerika.

Mu mwaka ushize, ingabo za leta ya Irak zirukanye abarwanyi b'umutwe wa kiyisiramu mu gice kinini cy'intara ya Anbar.

Icyo gihe ingabo zigaruriye imijyi minini yaho ariyo ya Ramadi na Fallujah.

Kuri ubu, igisirikare kirashaka uko cyakwongera kikigarurira n'ahandi.

Uwufise ububasha kw’isanamu Reuters
Image caption Igitero cy'ingabo za leta ya Irak ku mujyi wa Mosul kirakomeje.

Kigamije gufata imijyi itatu yose inyurwamo umuhanda munini werekeza mu gikombe cy'uruzi rwa Euphrate, ahagana ku mupaka wa Syria.

Intego ya mbere n'ugufata ahitwa Aanah, igisirikare kikaba gitangaza ko cyatangiye ibitero mu mpande zitandukanye.

Muri aya mezi ashize, igisirikare cyagabye ibitero byo kwitabara bikomeye ku barwanyi mu majyaruguru ya Mosul.

Hamwe n'iki gitero gishya, guverinoma ishyize ku gitutu gikomeye Umutwe wa Kisiramu aho yatangije urugamba rushya mu burengerazuba bwa Irak.