Trump yafungiye imiryango impunzi zo muri Syria

Prezida Donald Trump Uwufise ububasha kw’isanamu Getty Images

Perezida Donald Trump wa Leta zunze ubumwe za Amerika yafashe icyemezo kibuza impunzi zo mu Syria kwinjira muri Amerika kugeza igihe atavuze.

Ibi biri mu iteka yafashe rinakumira abandi bimukira bifuza kujya muri Amerika.

Trump yavuze ko iki cyemezo kigamije gutuma intagondwa zigendera ku matwara akaze y'idini ya Islamu zitabasha kwegera Amerika.

Iri teka kandi ryanahagaritse gahunda yo kwakira impunzi izo arizo zose muri Amerika mu gihe cy'amezi ane.

Uwufise ububasha kw’isanamu Getty Images
Image caption Inkambi y'impunzi zo muri Syria

Amerika kandi yanahagaritse impushya za visa ku bihugu bya Iran, Iraq, Somalia, Sudan, Libya na Yemeni mu gihe cy'amezi atatu.

Igihe yari mu bikorwa byo kwiyamamaza, Donald Trump yari yasabye ko hafatwa icyemezo cyo kubuza abayisilamu kwinjira ku butaka bwa Amerika.