Igitero cya Amerika muri Yemeni

Inyeshyamba Uwufise ububasha kw’isanamu Getty Images
Image caption Inyeshyamba z'aba Houthi zigenzura umurwa mukuru mugihe imitwe ikorana na al-Qaeda iri mu tundi duce tw'igihugu.

Amakuru aturuka muri Yemeni aravuga ko igitero cyagabwe n'abasirikare kabuhariwe ba Amerika cyahitanye abantu hafi mirongo itatu bakekwaho kuba intagondwa zo mu mutwe wa al-Qaeda barimo n'abaturage b'abasivili.

Ababikuriraniye hafi mu ntara ya al-Baida baravuga ko icyo gitero cyagabwe mu rukerera rw'uyu munsi cyabimburiwe n'igitero cy'indege, cyakurikiwe na za kajugujugu zazanye abasirikare bakomeje icyo gitero.

Uwufise ububasha kw’isanamu AFP
Image caption Ibitero by'utudege duto twa drone byakajije umurego ku butegetsi bwa Barack Obama

Umusigiti ukoreshwa n'intagondwa biravugwa ko warashweho hamwe n'andi mazu yubatse muri ako karere.

Umukuru wa al-Qaeda, Abdulraoof al-Dhahab, ari mu bishwe.

Iki nicyo gitero cya mbere kibasiye intagondwa z'abayisilamu kuva aho Donald Trump agereye ku ntebe y'ubutegetsi muri Leta zunze ubumwe za Amerika.

Igisirikare cya Amerika kiravuga ko cyaguyemo umusirikare wacyo umwe naho abandi batatu barakomereka.