Maroc yasubiye mu muryango w'ubumwe bwa Afurika

Uwufise ububasha kw’isanamu Getty Images
Image caption Umwami wa Maroc , Mohammed VI, yakoze uko ashoboye ngo agarurire igihugu cye mu muryango w'ubumwe bwa Afurika

Igihugu cya Maroc cyasubiye mu muryango w'ubumwe bwa Afurika nyuma y'imyaka irenga 30 kiwuvuyemo kubera ikibazo cy'intara ya Sahara y'Uburengerazuba kivuga ko ari iyacyo.

Umuryango w'ubumwe bwa Afurika icyo gihe witwaga OUA wemeye Sahara y'uburengerazuba nk'igihugu kigenga ariko Maroc ikomeje kuyifata nk'imwe mu ntara zayo.

Maroc yari imaze igihe kirekire ikora uko ishoboye ngo isubire muri uwo muryango.

Ikibazo cya Sahara y'uburengerazuba gikomeje kutavugwaho rumwe ariko benshi mu bakuru b'ibihugu bigize umuryango w'ubumwe bwa Afurika bari mu nama i Addis Abbeba batoye bemeza kwongera kwakira Maroc muri uwo muryango.

Uwufise ububasha kw’isanamu AFP
Image caption Bwana Faki yashyigikiwe cyane n'ibihugu bivuga ururimi rw'igifaransa

Hagati aho minisitiri w'ububanyi n'amahanga wa Tchad, Moussa Faki, yatorewe kuba umukuru w'akanama k'ubumwe bwa Afurika.

Perezida wa Guinee, Alpha Conde, niwe watorewe kuyobora uwo muryango akaba asimbuye Idriss Deby wa Tchad.