Turukiya isabwa kurekura umucamanza akaja mu kazi

Umugambi wo guhirika reta ya Turukiya ntiwakunze Uwufise ububasha kw’isanamu AFP
Image caption Umugambi wo guhirika reta ya Turukiya ntiwakunze

Sentare ya ONU yasavye Turkiya kurekura umucamanza afunzwe inyuma y'igerageza ryo guhirika ubutegetsi mu 2016, ngo ashobore kuburanisha urubanza rw'uwuregwa jenoside.

Amashirahamwe agwanira agateka ka kiremwa muntu avuga ko reta ya Turukiya yafashe ibihumbi vy'abanyagihugu barimwo abacamanza n'abavugabutumwa, ivuga ko bashigikiye abashatse guhirika ubutegetsi.

Umucamanza Akay ari mu murwi w'abacamanza bategerezwa gukurikirana urubanza rwungurujwe rw'umuntu yigeze kuba umushikiranganji w'U Rwanda, Augustin Ngirabatware, yaciriwe igifungo c'imyaka 30 ku kuba yahimirije jenoside.

Abantu bagera ku 800,000 bagwiriyemwo abatutsi hamwe n'abahutu barishwe muri jenoside yakozwe mu 1994.