Trump yatsinzwe mu rubanza yunguruje rwerekeye ingenzi n'abimukira

Abanyagihugu babaye aba mbere kwiyamiriza ingingo ya Trump Uwufise ububasha kw’isanamu Reuters
Image caption Abanyagihugu babaye aba mbere kwiyamiriza ingingo ya Trump

Sentare yungururizwamwo imanza yahakanye ko itegeko rya Trump ribuza ingenzi n'abimukira bo mu bihugu ndwi bigwiriyemwo aba Islamu kwinjira muri Amerika rishigwa mu ngiro.

Sentare "9th US Circuit Court of Appeals" yavuze ko idashobora kuvuguruza sentare y'intango yahagaritse iyo ngingo.

Bwana Trump yaciye yishura ashavuye ku buryo bwa Twitter avuga ko umutekano ubangamiwe ko bagiye gusubira kwitura ubutungane.

Tweet ya Trump Uwufise ububasha kw’isanamu TWITTER
Image caption Tweet ya Trump

Abacamanza batatu bafashe icemezo bavuga ko reta itashoboye kwerekana ingene ikibazo c'umutekano cotuma iyo ngingo ishirwa mu ngiro.

Icemezo cafashwe na sentare kigiye gutuma abanyagihugu bo muri Irani, Iraki, Libiya, Somalia, Sudani, Siriya na Yemeni bafise viza baguma binjira muri Amerika.

Impunzi zirondera ubuhungiro ziva mu mihingo itandukanye yo kw'isi nazo nyene ntizikibujijwe guhungira muri Amerika.

Runo rubanza rushobora kurangirira muri sentare ya nyuma n'ukuvuga sentare ntahinyuzwa ya Amerika.

Trump yashuhuriye abanyagihugu kuri sentare

Ingingo ya Trump irakumira koko aba Islamu?