Ubuhinde buhanzwe n'imyuka yonona ikirere

  • 14 Ukwa kabiri 2017
Ubuhinde bugiye kugera ku rugero rw' Ubushinwa Uwufise ububasha kw’isanamu Reuters
Image caption Imyuka yonona ikirere iyo irenze urugero itera ingwara

Icegeranyo giherutse gusohorwa n'ikigo co muri Leta zunze Ubumwe za Amerika -Health Effects Institute, casanze urugero rw'abana bavuka batageze bapfa buri mwaka, rwariyongereye mu Buhinde kubera ikibazo c'imyuka mibi.

Ico kigo kimenyesha ko zimwe muri izo mpfu zitegwa n'udukungungu tuzanana n'impwemu zo mu kirere bita PM2.5, dutera ingwara za Asthma, Bronchite idakira canke ndetse na Cancer yo mu mahaha.

Ibiharuro ngereranyo basanze birenze cane ivyatangajwe n'ishirahamwe mpuzamakungu rijejwe amagara y'abantu OMS mu mwaka uheze.

Uwufise ububasha kw’isanamu Getty Images
Image caption Ubuhinde butanguye kugereranywa no mu Bushinwa, aho hamwe hamwe imyuka izibiranya ikirere

Ivyo ngo vyaturutse ku buryo bwakoreshejwe mu cigwa batunganije.

Izamuka ry'ubutunzi bw'Ubuhinde ku muvuduko wihuse, aho inguvu zikoreshwa mu mahinguriro n'ahandi usanga zituruka mu gucana ibizuku, riri mu bituma iyo myuka mibi yiyongera ku bwinshi.