Pakistani yasabye Afghanistani kuyiha intagondwa kabuhariwe zirenga 76

  • 17 Ukwa kabiri 2017
Uwufise ububasha kw’isanamu AFP
Image caption Bamwe mu bayisilamu ba Sufi baravuga ko batarinzwe bihagije.

Pakistani yasabye Afghanistani kuyiha intagondwa kabuhariwe zirenga 76 zikekwa kugira uruhare mu bwicanyi bwakozwe n'umwiyahuzi bwahitanye abayisilamu b'abasufi batari munsi ya 80 bari mu ngoro ntagatifu ya Sindh.

Pakistani yavuze ko intagondwa zigaba ibitero muri icyo gihugu ziturutse muri Afghanistani.

Igisirikare ya Pakistani cyavuze ko cyahagaritse ingendo zambuka umupaka w'ibyo bihugu.

Icyo gisirikare kandi cyarashe intwaro za "rocket" mu ntara za Kunar na Nangahar muri Afghanistani.

Muri Pakistani ubwaho hatangiye umukwabu nyuma y'ubwo bwicanyi bukomeye bwabaye ejo ku wakane kuri iyo ngoro y'Abasufi b'abayisilamu

Abategetsi baravuga ko intagondwa zirenga 35 zimaze kwicwa, izindi nyinshi zatawe muri yombi.