Irahira rya perezida mushya wa Somalia

Mohamed Abdullahi Farmajo Uwufise ububasha kw’isanamu Reuters
Image caption Mohamed Abdullahi Farmajo

Perezida mushya wa Somalia - Mohamed Abdullahi Farmajo - ararahira uyu munsi mu muhango ubera mu murwa mukuru, Mogadishu.

Abakuru b'ibihugu byo mu karere, barimo abaperezida ba Kenya na Ethiopia bari mu bitabiriye uwo muhango.

Nyuma y'ibitero umutwe ugendera ku matwara akaze y'idini ya Islamu wa al-Shabaab uherutse kugaba muri uwo mujyi, umutekano urarinzwe cyane kandi n'imihanda ikomeye yafunzwe.

Image caption Perezida Farmajo yatowe n'abadepite hashize ibyumweru bibiri

Perezida Farmajo yatowe n'abadepite hashize ibyumweru bibiri gutyo atsinda Hassan Sheikh Mohamud ucyuye igihe.

Abakurikiranira hafi ibibera muri Somalia baravuga ko leta nshya itazoroherwa muri gahunda zayo mu gihe igomba kurwanya intagondwa zo mu mutwe wa al-Shabaab no guhangana n'ikibazo cy'uruzuba rukabije rushobora gushyira igihugu mu nzara.

Ibindi bisa n’ibi