Igisirikare cya Irak cyisubije hamwe muri Mosul

Igifaru cy'intambara Uwufise ububasha kw’isanamu Reuters

Igisirikare cya Irak kiravuga ko kisubije uduce tubiri two mu burengerazuba bw'umujyi wa Mosul mu gihe ingabo za leta zikomeje ibitero byazo bigamije kwirukana umutwe wiyita Leta ya Kiyisilamu - IS - muri uwo mujyi.

Igisirikare kiravuga ko cyanesheje abarwanyi b'uwo mutwe mu mirwano yo kwisubiza uduce twa Mamun na Tayaran.

Umwe mu bayobozi b'ingabo za leta ya Irak aravuga ko abaturage b'abasivile babarirwa mu bihumbi bahunze agace ka Mamun mu minsi ibiri ishize.

Hagati aho, igisirikare cya Irak cyatangaje kandi ko abarwanyi b'umutwe wa IS bagabye ibitero hafi y'umupaka ukora kuri Yordaniya na Arabia Saudite.

Uwufise ububasha kw’isanamu Getty Images
Image caption Ingabo za Irak ziherutse kwisubiza ikibuga k'indege cya Mosul.

Amakuru aturuka mu ntara ya Anbar iri mu burengerazuba bw'igihugu aravuga ko abo barwanyi barimo kuvuga ko amasasu yabashiranye kandi ko bafite ubwoba ko bashobora kwicwa.

Mu cyumweru gishize umwiyahuzi w'umuyoboke wa IS yiturikirijeho igisasu ku mupaka hafi yaho abantu bambukira bava muri Irak binjira muri Yorudaniya maze ahitana abarinzi hafi 15.