Abatalibani barasaba abanyafghanistani gutera ibiti

Abatalebani Uwufise ububasha kw’isanamu AP

Umukuru w'abatalebani bo muri Afghanistani,Hibatullah Akhundzada, yasabye abanya Afghanistani kurushaho gutera ibiti.

Mu itangazo yasohoye, yasabye abaturage b'abasivile n'abarwanyi gutera igiti kimwe cyangwa se byinshi byera imbuto cyangwa ibitera imbuto kugirango isi irusheho kuba nziza kandi bigiriye akamaro ibiremwa byiza by'imana.

Igihugu cya Afghanistani gifite ibibazo bikomeye by'amashyamba agenda agabanuka.

Muri Afghanisatni ibiti bitemwa kugirango bivemo amakara yo gucana cyangwa se bitange imbaho zigurishwa mu buryo butemewe n'amategeko.

Uwufise ububasha kw’isanamu AFGHAN ISLAMIC PRESS
Image caption Hibatullah Akhundzada niwe uyoboye abatalebani bo muri Afghanistani

Ntibisanzwe ko abatalebani basohora amatangazo y'abatalibani yerekeranye no kurengera ibidukikije.

Akhundzada yabaye umuyobozi w'abatalebani bo muri Afghanistani mu kwezi kwa gatanu k'umwaka ushize kandi azwi cyane nk'umuyobozi ukomeye w'idini kurusha kuba umuyobozi wa gisirikare.

Iri tangazo yasohoye kuri iki cyumweru ritandukanye cyane n'ayo amenyereye gutangaza anenga cyane leta ya Afghanistani n'ingabo zo mu muryango wa OTAN ziyitera inkunga.