Abimukira baterwa inshuro icumi ku munsi mu Budage

Kuzimya umuriro mu Budage Uwufise ububasha kw’isanamu EPA
Image caption Hakunze kuba ibitero byo kutwika ahacumbikirwa abasaba ubuhingiro mu Budage.

Minisiteri y'ubutegetsi bw'igihugu mu Budage ivuga ko ibitero hafi 10 byagabwe ku bimukira muri icyo gihugu buri munsi mu mwaka ushize wa 2016.

Abantu 560 bakomerekeye muri ibyo bikorwa by'urugomo harimo n'abana 43.

Bitatu bya kane by'ibyo bitero byibasiye abimukira bari hanze yaho baba mu gihe ibitero hafi 1000 byagabwe ku mazu babamo.

Icyemezo cy'umukuru wa leta y'Ubudage, Angela Merkel, cyo gufungurira imiryango abahunga intambara no gutotezwa cyakuruye impaka zikomeye mu gihugu kandi gituma ibikorwa by'urugomo bishingiye ku rwango byiyongera.

Uwufise ububasha kw’isanamu AP
Image caption Umukuru wa leta y'Ubudage, Angela Merkel

Iki kibazo cy'abimukira byitezwe ko kizagarukwaho cyane mu matora y'abadepite ateganijwe mu kwezi kwa cyenda.

Ubudage busa nkaho bwarengewe n'amadosiye y'abasaba ubuhingiro kandi hari ubwoba kubirebana n'umutekano nyuma y'ibitero by'iterabwoba byibasiye Uburayi.

Ibindi bisa n’ibi