George W Bush ashyigikiye itangazamakuru ryigenga

George W Bush n'umugore we Laura Uwufise ububasha kw’isanamu Getty Images
Image caption George W Bush n'umugore

Uwahoze ayobora leta zunze ubumwe za Amerika - George W Bush - yavuze ko Amerika ikeneye ibisubizo ku kuntu abakorana na Perezida Trump baganiriye n'igihugu cy'Uburusiya.

Mu kiganiro yagiranye na televiziyo NBC, Bush yavuze ko atazi neza niba byasaba ko hashyirwaho umushinjacyaha udasanzwe nkuko birimo gusabwa na bamwe bo mu ishyaka ry'abademokarate.

Bush kandi yanashyigikiye itangazamakuru ryigenga avuga ko ari inkingi ikomeye ya demokarasi.

Perezida Trump yita itangazamakuru rimunenga abanzi b'igihugu kandi agashimangira ko amakuru y'imikoranire itemewe n'Uburusiya ari ibinyoma.

Uwufise ububasha kw’isanamu Getty Images
Image caption Donald Trump ashinja ibitangazamakuru bimunenga kuba abanzi b'igihugu

George Bush abajijwe niba yagereranya ibi bihe n'uko byari bimeze akimara gutsinda Al Gore mu matora yo muri 2000, yasubije ko bikomeye kugereranya ibihe bitandukanye.

Yongereho ariko ko kuyobora America ari akazi katoroshye.

Ati buri muntu abibona ukwe ariko iyo ageze ku ntebe y'ubutegetsi asanga bitoroshye.

Yavuze ko Perezida Trump amaze gusa ukwezi kumwe ku butegetsi, ati yagombye kugirirwa ikizere ku magambo yavuze ko ashaka ubumwe bw'abaturage.