Ingabo za Irak zafashe ikiraro mu mujyi wa Mosul

Ingabo za Irak Uwufise ububasha kw’isanamu AP

Igisirikare cya Irak kiravuga ko cyafashe ikiraro kiri ku ruzi rwa Tigre mu ntambara kirwana n'umutwe wiyita Leta ya Kiyislamu mu mujyi wa Mosul.

Hagati aho abakozi b'imiryango ifasha abari mu kaga baravuga ko batewe impungenge n'ukuntu abaturage babayeho mu gihe imirwano ikomeje.

Mu kwezi gushize nibwo igisirikare cya Irak cyafashe uburasirazuba bwa Mosul, ubu igisirikare kiba kigerageza kwirukana abarwanyi mu burengerazuba bw'uwo mujyi.

Uku kwitwara neza ku rugamba gusobanuye ko ingabo za Irak ubu zigenzura ibiraro byinshi biri mu majyepfo y'uruzi rwa Tigre.

Uwufise ububasha kw’isanamu Reuters
Image caption Abasivile benshi bahunze uduce tugenzurwa n'umutwe wiyita leta ya kiyisilamu

Hagati aho ariko ubuzima ntibworoshye ku basivile bagoswe n'imirwano.

Abakozi bashinzwe ubutabazi baravuga ko abantu badatinyuka gusohoka mu mazu yabo.

Ibiciro by'ibiribwa ngo byarazamutse cyane.

Imiryango imwe ikaba ivuga ko itagishoboye kubona icyo gushyira mu nda.