Preet Bharara, umushinjacyaha ukomeye muri Amerika yirukanwe

Preet Bharara yabanje gusabwa na Bwana Trump kuguma ku mwanya we Uwufise ububasha kw’isanamu EPA
Image caption Preet Bharara yabanje gusabwa na Bwana Trump kuguma ku mwanya we

Umushinjacyaha muri Leta ya New York wanze kwegura igihe we n'abandi 45 babisabwaga n'ubutegetsi bwa peerezida Trump yavuze ko yirukanwe.

Preet Bharara ku rubuga nkoranyambaga rwa Twitter yagize ati:

"Sineguye. Nyuma gato, narirukanwe."

Bwana Bharara yabanje gusabwa kuguma mu mwanya we nyuma yo guhura na perezida Trump nyuma y'amatora.

Ariko ku wa Gatanu yisanze ku rutonde rumwe n'abandi bashinjacyaha bashyizweho na perezida Barack Obama basabwe na minisiteri y'Ubucamanza kwegura.

Ubutumwa bwo kuri Twitter ya Bwana Bharara bwakomeje "Kuba umushinjacyaha muri SDNY (mu gace k'Amajyepfo ya New York) bizakomeza kuba ishema rikomeye ry'umwuga wanjye."

Kenshi abaperezida basaba abashinjacyaha bashyizweho n'abaperezida basimbuye kwegura ariko icyemezo cyo gusimbuza benshi icyarimwe, byateye kwibaza cyane.

Iyirukanwa rya Bwana Bharara by'umwihariko ryaje ritunguranye cyane. Mu kwezi kwa 11 yabwiye abanyamakuru ko yasabwe na Bwana Trump kuguma ku mwanya we aranabyemera.

Uwufise ububasha kw’isanamu AFP
Image caption Bwana Bharara yigeze kujya ku kinyamakuru cya Time Magazine nk'umuntu w'umwaka kubera gukurikirana Wall Street

Uyu mushinjacyaha yamenyekanye cyane nyuma yo gukurikirana ibyaha byo mu rwego rwo hejuru bya ruswa ndetse no gukurikirana imanza z'amakora mu mabanki ya Wall Street.