Perezida wa Koreya y'Epfo yavuye mu ngoro nyuma yo guhirikwa ku butegetsi

Imodoka nyinshi z'umutekano zaherekeje Madamu Park zimujyana mu majyepfo ya Seoul Uwufise ububasha kw’isanamu AFP
Image caption Imodoka nyinshi z'umutekano zaherekeje Madamu Park zimujyana mu majyepfo ya Seoul

Perezida wa Koreya y'Epfo, Park Geun-hye, wakuwe ku butegetsi yamaze kuva mu ngoro y'umukuru w'igihugu, nyuma y'iminsi ibiri abacamanza bafashe umwanzuro wo kumuhirika ku butegetsi.

Madamu Park. utaragira icyo atangaza kuri uyu mwanzuro, yageze iwe mu majyepfo y'umurwa mukuru Seoul apeperwa n'abamushyigikiye.

Yakuwe ku butegetsi kubera uruhare rwe mu mahano ya ruswa aregwamo inshuti ye ya hafi, Choi Soon-sil.

Abarwanya madamu Park basaba ko atabwa muri yombi, ndetse n'abamushyigikiye bakoze imyigaragambyo ku wa Gatandatu.

Madamu Park ubu yamaze gutakaza ubudahangarwa bwe nk'umukuur w'igihugu ndetse ashobora gukurikiranwa n'ubucamanza ku byaha aregwa ko yemereye madamu Choi kuvana amfaranga mu bigo nabyo bigafatwa neza mu rwego rwa politike.

Madamu Park yavuye mu ngoro y'umukuru w'igihugu izwi nka "Blue House", nyuma gato ya saa 19:00 ku isaha yo muri Koreya y'Epfo (saa 10:00 ku isaha mpuzamasaha ya GMT) ku Cyumweru nyuma yo gusezera ku bakozi be.

Imodoka nyunshi zamuherekeje iwe mu karere ka Samseong.

Abamushyigikiye bari bateraniye hanze bazunguza amabendera y'igihugu ndetse banaririmba.

Uwufise ububasha kw’isanamu Reuters
Image caption Madamu Park yasubiye mu nzu ye mu karere ka Samseong
Uwufise ububasha kw’isanamu EPA
Image caption Abakozi barimo bapakira ibintu mu nzu ya Madamu Park y'amagorofa abiri

Madamu Park yasohotse muri Limousine ye aherekejwe n'abapolisi bagera ku 1.000.

Abashinzwe umutekano we bagombye gusunika abantu bamusuhuzaga aho bari baje kwigaragambiriza.

Uwufise ububasha kw’isanamu Reuters
Image caption Madamu Park ubu yatakaje ubudahangarwa bwe nk'umukuru w'igihugu

Umunyamakuru wa BBC Stephen Evans uri i Seoul avuga ko Madamu Park yari anezerewe anaseka, nta kimenyetso yerekanaga cy'umunyapolitike wandagajwe cyangwa wicuza.