FBI nta gihamya ifite kubyo Trump ashinja Obama ko yumvirije telefoni ze.

  • 20 Ukwa gatatu 2017
Uwufise ububasha kw’isanamu AP
Image caption Umukuru wa FBI, James Comey

Umukuru w'urwego rushinzwe iperereza imbere muri Leta zunze ubumwe za Amerika, FBI, yavuze ko urwego ashinzwe nta gihamya rwigeze rubona ku bivugwa na Perezida Trump ko telefone ze zumvirijwe n'ubutegetsi bwa Obama mu matora y'umwaka ushize.

James Comey yabwiye akanama k'inteko nshingamategeko gashinzwe ibibazo by'iperereza ko rwose barebye hose ariko ko nta gihamya na kimwe babonye.

Nanone kuri icyo kibazo, umukuru wa NSA - urwego rushinzwe umutekano - Admiral Mike Rogers yahakanye yivuye inyuma ibyavuzwe n'ubutegetsi bwa Trump ko yasabye urwego rushinzwe iperereza mu Bwongereza kuneka Bwana Trump.

Uwufise ububasha kw’isanamu Reuters
Image caption Bwana Comey yavuze ko Perezida Putin ngo yangaga cyane Hilary Clinton ngo ku buryo yari ashyigikiye uwo bari bahanganye.

Aba bayobozi bombi b'iperereza muri Amerika bavuze ko ku buryo budasanzwe Uburusiya bwerekanye uruhare rwabwo mu bikorwa byo kwiyamamaza mu matora y'umwaka ushize muri Amerika bugamije kwerekana intego yabwo yo kubangamira demokarasi muri Amerika.

Bwana Comey yavuze ko ibyo Uburusiya bwabigezeho bubiba akajagari, urwango n'amacakubiri.