Ubwongereza bwaciye mudasobwa ku ndege zimwe

Indege mu kirere Uwufise ububasha kw’isanamu Getty Images

Ubwongereza bwafashe icyemezo cyo kubuza za mudasobwa ntoya bakunze kwitwa laptop n'utundi dutoya tuzwi ku izina rya tablet ndetse na telefone ngendanwa nini kujya mu mitwaro abagenzi binjirana mu ndege.

Iki cyemezo kirareba ingendo z'indege zo mu bihugu bitandatu byo mu Burasirazuba bwo hagati.

Kije gikurikira icyemezo gisa nacyo cyafashwe na Leta zunze ubumwe za Amerika cyo kubuza ibikoresho by'ikoranabuhanga rya electronic nk'ibyo mu ndege zijya muri Amerika ntahandi zihagaze zivuye mu bihugu umunani byo muri ako karere.

Ikarita y'ibihugu birebwa n'icyo cyemezo:

Image caption On direct flights to UK (indege ziza mu Bwongereza zidahagaze mu nzira) ; on direct flights to US (indege zijya muri Amerika ntaho zihagaze)

Umuvuguzi wa leta y'Ubwongereza yavuze ko izi ngamba nshya zari zikenewe kandi ko zigamije kurinda umutekano w'abaturage.

Abategetsi ba Amerika bo bavuga ko icyemezo bagifashe kubera amakuru y'ubutasi babonye avuga ko imitwe y'iterabwoba ishaka kwibasira indege ikoresha ibintu biturika bihishwe muri ibyo byuma by'ikoranabuhanga bikoreshwa na rubanda rusanzwe.