Trump yananiwe kuvanaho Obamacare

Donald Trump Uwufise ububasha kw’isanamu Reuters

Perezida wa Leta zunze ubumwe za Amerika, Donald Trump, yiyemereye ko amavugurura mu buvuzi yasizwe n'uwo yasimbuye, Barack Obama, azagumaho nyuma yaho abo mu ishyaka rye ry'aba republicains bananiriwe kumvikana k'ukuntu bayasimbura.

Bwana Trump yavuze ko yahigiye byinshi mu gihe yageragezaga abinyujije mu nteko nshingamategeko gushyira mu bikorwa kimwe mu bintu by'ingenzi yasezeranije abanyamerika igihe yarimo kwiyamamaza.

Yavuze ko ubungubu agiye kwibanda ku mavugurura ajyanye n'imisoro.

Uwufise ububasha kw’isanamu Getty Images
Image caption Umukuru w'inteko nshingamategeko Paul Ryan yavuze ko bitarangiriye aha

Aba republicains bahagaritse umugambi wabo wo gusimbura iryo tegeko rijyanjye n'ubwishingizi mu buvuzi rizwi cyane ku izina rya Obamacare nyuma yaho babonye ko badashobora kubona amajwi ya ngombwa y'abo mu ishyaka mu nteko.

Umukuru w'abedepite b'abademokarate, Nancy Pelosi, yavuze ko iyi ari intsinzi ku banyamerika.