Kubuza mudasobwa ntoya mu ndege byatangiye gukurikizwa

Thamer Bourashed Uwufise ububasha kw’isanamu Getty Images
Image caption Impirimbanyi yo muri Kuwait - Thamer Bourashed - ashyira laptop ye mu ivalizi mbere kurira indege

Ibi byemezo by'Ubwongereza na Leta zunze ubumwe za Amerika bireba gusa bimwe mu bibuga by'indege byo mu Burasirazuba bwo hagati.

Icyemezo cyo kubuza za mudasobwa ntoya zizwi nka laptop n'utundi dutoya tuzwi nka tablet cyafashwe n'Ubwongereza na Amerika ku ngendo zimwe z'indege zituruka mu Burasirazuba bwo hagati cyatangiye gukurikizwa.

Abategetsi bavuga ko ibintu biturika bishobora gushyirwa mu bikoresho by'ikoranabuhanga nka mudasobwa.

Icyemezo cy'Ubwongereza kireba ibihugu bitandatu naho icya Amerika kireba ibihugu umunani.

Ikarita yerekana ibibuga by'indege birebwa n'icyemezo cya Amerika:

Mudasobwa ntoya za laptop n'utundi dutoya twa tablet na telefone ngendanwa nini cyane bizajya bishyirwa ahagenewe imitwaro mu ndege.

Ikarita y'ibihugu birebwa n'icyemezo cy'Ubwongereza:

Image caption On direct flights to UK (indege ziza mu Bwongereza zidahagaze mu nzira) ; on direct flights to US (indege zijya muri Amerika ntaho zihagaze)

Abategetsi ba Amerika bo bavuga ko icyemezo bagifashe kubera amakuru y'ubutasi babonye avuga ko imitwe y'iterabwoba ishaka kwibasira indege ikoresha ibintu biturika bihishwe muri ibyo byuma by'ikoranabuhanga bikoreshwa na rubanda rusanzwe.