Abana barenga miliyoni ijana barakingirwa imbasa

Umwana urimo gukingirwa imbasa Uwufise ububasha kw’isanamu AP
Image caption Indwara y'imbasa ishobora kurwanya hakoreshejwe inkingo

Abakozi b'ubuzima baratangira igikorwa cyo gukingira abana indwara y'imbasa (polio) muri Afurika yo hagati na Afurika y'uburengerazuba.

Ikigamijwe ni ugukingira abana barenga miliyoni ijana muri gahunda yo gukumira icyorezo cy'iyo ndwara mu majyaruguru y'uburasirazuba bwa Nigeria.

Ishami ry'umuryango w'abibumbye ryita ku buzima, OMS, riragerageza gukingira buri mwana wese uri munsi y'imyaka itanu mu bihugu 13 uvuye muri Mali ukagera muri Repubulika iharanira demokarasi ya Congo mu minsi ine gusa.

Kubona imirwano hagati y'umutwe ugendera ku matwara akaze y'idini ya Islamu wa Boko Haram n'igisirikare cya Nigeria yaravanye abantu benshi mu byabo, byateye impugenge zuko iyo ndwara y'imbasa ishobora gukwirakwira mu buryo bworoshye mu karere kose.

Indwara y'imbasa ifata cyane abana kandi ishobora kubatera ubumuga bukomeye.

Iyi ndwara iboneka cyane mu bihugu bitatu ku isi: Nigeria, Afghanistani na Pakistani