Hong Kong ifite umuyobozi mushya

Carrie Lam Uwufise ububasha kw’isanamu EPA

Umukandida ushyigikiwe na leta y'Ubushinwa yatorewe kuyobora intara y'ubushinwa ya Hong Kong ifite ubwigenge bucagase.

Akanama kagizwe n'abantu hafi 1200 - benshi muri bo bashyigikiye leta y'Ubushinwa - batoye Carrie Lam, wahoze yungirije umukuru w'iyo ntara.

Yabonye amajwi arenze kimwe cya kabiri maze atsinda bitamugoye uwahoze ari ministri w'imali John Tsang.

Uwufise ububasha kw’isanamu Reuters
Image caption Impirimbanyi za demokarasi mu myigaragambyo ku munsi w'amatora.

Ibipimo by'amajwi mbere yo gutora byerekanaga ko abatuye Hong Kong benshi bashyigikiye Bwana Tsang.

Ariko bake cyane muri abo baturage nibo bafite ijambo mu guhitamo umuyobozi wabo.

Impirimbanyi ziharanira demokarasi yamaganye ayo matora zivuga ko ataranzwe n'umucyo.