Ukurasana ku nzu y'urubyiniro muri Amerika

Igipolisi kandi kiravuga ko byibura abagabo babiri bitwaje imbunda bagize uruhare muri uko kurasana. Uwufise ububasha kw’isanamu CPD
Image caption Igipolisi kiravuga ko byibura abagabo babiri bitwaje imbunda bagize uruhare muri uko kurasana.

Igipolisi cyo muri leta ya Ohio muri Leta zunze ubumwe za Amerika kiravuga ko umuntu umwe yishwe abandi byibura cumi na bane bakomerekeye mu kurasana kwabereye mu mujyi wa Cincinnati.

Igipolisi kiravuga ko benshi bakomeretse cyane.

Kiravuga ko uko kurasana kwabereye mu nzu y'urubyiniro yari yuzuye abantu babarirwa mu magana.

Igipolisi kandi cyongeyeho ko byibura abagabo babiri bitwaje imbunda bagize uruhare muri uko kurasana.

Uwufise ububasha kw’isanamu AP
Image caption Igipolisi kiravuga ko nta kintu cyerekana ko ari igitero cy'iterabwoba

Umwe mu bapolisi - Police Captain Kimberly Williams - yatangaje ko abo bagabo bitwaje imbunda batari bafatwa kandi ngo igipolisi ntikizi neza abo aribo.

Uku kurasana kubaye hashize hafi umwaka nyuma umugabo witwaje imbunda - Omar Mateen - arasiye abantu ku nzu y'urubyiniro y'abatinganyi mu mujyi wa Orlando muri leta ya Florida.

Mateen yishe abantu 49 mu bwicanyi buvugwa kuba buri mu bwahitanye abantu benshi icyarimwe mu mateka ya Amerika.