Amerika ntishyigikiye guca intwaro za nucleaire

Nikki Haley ahagarariye Amerika mu muryango w'abibumbye Uwufise ububasha kw’isanamu Getty Images
Image caption Nikki Haley ahagarariye Amerika mu muryango w'abibumbye

Ibihugu hafi 40 - birimo bifite intwaro za kirimbuzi zo mu bwoko bwa nucleaire, byanze kwitabira ibiganiro muri ONU bigamije guca ku isi bene izo ntwaro.

Mu gihe ibyo biganiro byari bitangijwe n'ibihugu birenze ijana biri mu bigize ONU, uhagarariye Leta zunze ubumwe za Amerika yavuze ko igihugu cye kitabishyigikiye.

Nikki Haley yavuze ko umutekano imbere mu gihugu usaba ko Amerika ikenera intwaro zo mu bwoko bwa nucleaire ngo kubera ko hari abantu babi batakwizerwa.

Uwufise ububasha kw’isanamu AP
Image caption Igisasu cya ballistique mu karasisi ka gisirikare Islamabad muri Pakistani mu cyumweru gishize.

Ministri w'ububanyi n'amahanga wa Swede - iri mu bihugu bishaka ko izo ntwaro zicika ku isi - yavuze mu cyumweru gishize ko bikenewe cyane kubikora ngo kubera ko uku ibintu bimeze ubungubu hari abashaka gukoresha bene izo ntwaro.