Abantu 20 bapfuye bagonzwe n'ikamyo mu Buhindi

Ikarata y'Ubuhindi
Image caption Ikarata y'Ubuhindi

Niburiburi abantu 20 bapfuye ikamyo yinjiye mu mugwi w'abarimyi bari biteguye gukora imyiyerekano i Andhra Pradesh mu bumanuko bw'Ubuhindi.

Abo barimyi bari ku biro vy'igipolisi co muri komine ya Chittoor biyamiriza abacukura umusenyi bidaciye mu mategeko.

Igipolisi kivuga ko umushoferi w'iyo modoka yananiwe gutumbereza imodoka, ariko ababa muri ako karere bavuze ko yinjiye muri abo bantu ku gushaka.

Ubutegetsi bwasavye ko hokogwa amatohoza.

Ivyabona vyabwiye umumenyeshamakuru wa BBC y'igihindi, Omer Farooq, ko iyo modoka yiruka cane, igonga ubwa mbere iyindi modoka, munyuma igiti c'intsinga z'amatara imbere yuko yinjira muri abo barimyi.

Ubutegetsi buvuga ko abantu benshi bakomeretse, baca bajanwa kuvugwa mu bitaro.