Amerika izakira impunzi zivuye muri Australia

Mike Pence (ibumoso) na ministri w'intebe wa Australia, Malcolm Turnbull Uwufise ububasha kw’isanamu EPA
Image caption Mike Pence (ibumoso) na ministri w'intebe wa Australia, Malcolm Turnbull

Visi perezida wa Leta zunze ubumwe za Amerika, Mike Pence, yatangaje ko igihugu cye kizashyira mu bikorwa ibyo Barack Obama yari yeremewe Australia ko Amerika izakira impunzi zirenze 1200 ziri mu bigo bifungirwamo impunzi.

Ibi Mike Pence yabivuze igihe yari amaze kugirana ibiganiro na ministri w'intebe wa Australia, Malcolm Turnbull, mu mujyi wa Sydney.

Aya masezerano yatumye Perezida Trump wa Amerika na ministri w'intebe wa Australia baterana amagambo kuri telefoni mu kwezi kwa kabiri; Trump akayanenga cyane.

Bwana Pence yavuze ko igihugu cye kizashishoza cyane ariko kigashyira mu bikorwa ayo masezerano mu kubaha umubano mwiza gifitanye na Australia.

Image caption Australia yohereza impunzi mu bihugu nka Nauru na Papua New Guinea

Australia yanze kwakira ku butaka bwayo abantu bashaka ubuhingiro - benshi muri bo akaba ari abagabo bava muri Irani, Afghanistani na Iraq.

Ahubwo ihitamo kubohereza mu birwa bya Nauru no muri Papua New Guinea aho bafungiye mu bigo by'impunzi.

Iyo abo bagabo koko ari impunzi, Australia ibohereza gutura mu bindi bihugu nka Papua New Guinea, Nauru na Cambodge.