Abafaransa baba hanze batangiye gutora

Abakandida mu matora yo mu Bufaransa Uwufise ububasha kw’isanamu AFP/Getty images
Image caption Abahatanira umwanya w'umukuru w'igihugu mu Bufaransa

Abafaransa barenga miliyoni imwe baba mu ntara z'Ubufaransa ziri hanze y'Uburayi batangiye gutora mu kiciro cya mbere cy'amatora y'umukuru w'igihugu.

Mu Bufaransa imbere ho, abaturage bazatangira gutora ejo ku cyumweru.

Abatora kuri uyu wa gatandatu bari mu birwa byinshi bitatanye muri Polynesie y'Ubufaransa, muri Amerika yo hagati, Saint Pierre na Miquelon mu majyaruguru y'inyanja ya Atlantique, muri Guyane no muri Amerique yepfo.

Uwufise ububasha kw’isanamu Getty Images
Image caption Abakandida b'ingenzi ni batanu: (Ibumoso ugana iburyo) Francois Fillon, Benoît Hamon, Marine Le Pen, Emmanuel Macron na Jean-Luc Mélenchon

Amajwi yabo azatangira kubarurwa amasaha yo gutora arangiye mu Bufaransa ku cyumweru.

Abakandida 11 nibo bahatanira gusimbura Perezida Francois Hollande wafashe icyemezo cyo kutiyamamariza gukomeza kuyobora icyo gihugu muri manda ya kabiri.