Sanusi Lamido Sanusi arashinjwa ruswa

Muhammadu Sanusi II ni Emir wa 57 wa Kano Uwufise ububasha kw’isanamu Reuters
Image caption Muhammadu Sanusi II ni Emir wa 57 wa Kano.

Abategetsi bo muri leta ya Kano iri mu majyaruguru ya Nigeria baravuga ko umuyobozi gakondo waho ukomeye, Emir Sanusi Lamido Sanusi, yatangiye gukorwaho iperereza ku byaha bya ruswa.

Bwana Sanusi ashinjwa gukoresha nabi umutungo w'akarere ayobowe.

Azwi kandi ku izina rya Emir Muhammadu Sanusi II.

Icyaha nikimuhama, ashobora kuvanwa ku mwanya w'ubuyobozi afite.

Yahakanye ibyo byaha ashinjwa.

Emir Muhammadu Sanusi II aherutse kunenga icyemezo cy'abayobozi ba leta ya Kano cyo kwakira inguzanyo ya miliyari ebyiri z'amadolari yatanzwe n'Ubushinwa yo gukoresha mu mushinga wo kubaka inzira ya gari ya moshi.

Ariko abakora iperereza baravuga ko iperereza barimo gukora ntaho rihuriye na politiki ngo kubera ko hari ibimenyetso byerekana ikoreshwa nabi nabi ry'umutungo wa leta.