Prezida Magufuli yirukanye abakozi 10000 b'inkaratasi z'umutsindo za magendo

Prezida John Magufuli wa Tanzaniya
Image caption Prezida John Magufuli wa Tanzaniya

Prezida John Magufuli wa Tanzaniya yafuse mu kazi abakozi ba leta hafi 10000 bafise inkaratasi z'umutsindo za magendo.

Yabasavye kuba bavuye mu kazi itariki 15 z'ukwezi kwa gatanu, batabikoze bagapfungwa kandi bagashikirizwa ubutungane.

Bwana Magufuli yakoze ivyo inyuma y'icegeranyo yahawe ku bakozi 9 932, bafise inkaratasi z'umutsindo z'amashule yisumbuye zitarizo.

Abakuwe mu kazi ni 2% vy'abakozi bose ba leta bari mu gihugu.

Abo bakozi birukanywe bagiye kwitwarigwa, abo ivyaha bizokwagira bagashobora gufungwa gushika ku myaka indwi.

Umugwi wasabwe gukora itohoza wagarukiye ku nkaratasi z'umutsindo zo mu mashule yisumbuye, ntiwashoboye gusuzuma iza kaminuza.