Amatora mu Bufaransa: Le Pen araregwa kwigana Fillon

Marine Le Pen ari inyuma ya Emmanuel Macron mu bipimo by'amajwi Uwufise ububasha kw’isanamu EPA
Image caption Marine Le Pen ari inyuma ya Emmanuel Macron mu bipimo by'amajwi

Umukandida mu matora ya perezida mu Buransa, Marine Le Pen, arashinjwa kwigana ijambo ry'umukandida watsinzwe Francois Fillon mu mbwirwaruhame yavuze ku wa Mbere.

Ishyaka ryo mu Bufaransa rifite ibitekerezo by'ubuhezanguni riri kugerageza gutesha agaciro igisa no kwigana kwakozwe na Marine Le Pen, umukandida waryo mu matora ya perezida.

Mu ijambo ry'ingenzi ribanziriza amatora y'icyiciro cya kabiri ateganyijwe kuri iki cyumweru, Madamu Le Pen yasubiyemo amwe mu amagambo y'undi mukandida mu matora ya perezida, Francois Fillon, kuri ubu wamaze kuva mu irushanwa, ntiyagaragaza aho yayavanye.

Abayobozi b'ishyaka baravuga ko iryo jambo ryavuzwe ryemeranya n'irya Bwana Fillon, kandi ryagaragaje ko Madamu Le Pen atari umuntu urangwa n'ivangura.

Yaribasiwe cyane ku mbuga nkoranyambaga kubera iyo mpamvu.

Ariko umunyamakuru wa BBC aravuga ko kuri ubu mu Bafaransa iby'iryo jambo bitari gufatwa nk'ishyano rikomeye ryaguye.