Macron yamaganye ubusambo bw'inyandiko kuri interineti

Emmanuel Macron ari imbere mu bipimo by'amajwi Uwufise ububasha kw’isanamu Reuters
Image caption Emmanuel Macron ari imbere mu bipimo by'amajwi

Abakorana na Emmanuel Macron mu bikorwa bye byo kwiyamamaza mu matora mu Bufaransa bavuga ko bibasiwe n'ibikorwa byo kwiba amabanga kuri interineti.

Bavuze ko inyandiko nyazo ndetse n'impimbano zavanzwe n'abantu biba amabanga kuri interineti mu rwego rwo guteza urujijo mbere y'amatora y'icyiciro cya kabiri ku Cyumweru.

Abakorana na Bwana Macron mu kwiyamamaza bavuze ko byagaragaraga ko abatangaje izi nyandiko bashakaga kwandagaza Bwana Macron.

Bwana Macron azahangana n'umukandida Marine Le Pen w'ishyaka Front National rigendera ku matwara y'ubuhezanguni.

Izi nyandiko zasohowe kuri interineti ku murongo usangizwaho amakuru ku wa Gatanu nimugoroba. Abamamaza Bwana Macron bamaganye ibyo bikorwa mbere y'uko kwiyamamaza birangira saa sita z'ijoro.

Ubu itangazamakuru n'abakandida ntibemerewe kugira ikindi batangaza mbere y'amatora. Ibipimo by'amajwi byerekana ko umukandida Macron ari imbere ya Le Pen ku majwi 20%.