Umupolisi muri Texas yashinjwe kwica ingimbi

Jordan Edwards w'imyaka 15, yishwe n'umupolisi muri leta ya Texas Uwufise ububasha kw’isanamu EUROPEAN PHOTOPRESS AGENCY
Image caption Jordan Edwards w'imyaka 15, yishwe n'umupolisi muri leta ya Texas

Umupolisi mur leta ya Texas yashijwe icyaha cy'ubwicanyi nyuma yo kurasa ingimbi yari mu modoka igihe yavaga mu birori mu mujyi wa Dallas.

Ku wa Gatandatu, umupolisi Roy Oliver yarashe ku modoka, yica Jordan Edwards w'imyaka 15, akoresheje isasu rimwe.

Ku ikubitiro polisi yavuze ko imodoka yahindukiye ishaka kugonga umupolisi, ariko nyuma iza kwemera ko atari ko byagenze.

Ikoreshwa ry'imbaraga zica (imbunda) ku banyamerika b'abirabura ni ikibazo cyateye impaka n'imyigaragambyo ikomeye mu gihe cy'imyaka myinshi.

Ku wa Gatanu, ibiro by'umukuru wa polisi mu gace ka Dallas byasohoye impapuro zo guta muri yombi uwo mupolisi, Bwana Oliver.

Mu itangazo ibiro byasohoye, byavuze ko hari ibimenyetso byerekana ko Bwana Oliver "yari afite umugambi wo gukomeretsa bikomeye ndetse anakora igikorwa giteye ubwoba ku buzima bw'umuntu cyateye urupfu rw'umuntu."

Ibi byabaye nyuma y'uko polisi yari itabajwe igiye kureba amakuru yavugaga ko ahaberaga ibirori byarimo n'abana barimo banywa inzoga mu gace ka Balch Springs, mu nkengero za Dallas.