Abafaransa mu matora hagati ya Macron na Le Pen

Bwana Macron ashyigikiye umuryango w'Uburayi EU, Madamu Le Pen ashaka ko Ubufaransa buwuvamo. Uwufise ububasha kw’isanamu Reuters
Image caption Bwana Macron ashyigikiye umuryango w'Uburayi EU, Madamu Le Pen ashaka ko Ubufaransa buwuvamo.

Abaturage mu Bufaransa bari guhitamo perezida mushya w'igihugu nyuma y'ibikorwa byo kwiyamamaza byateye impaka zikomeye mu gihugu.

Amatora y'umukuru w'igihugu mu cyiciro cya kabiri yatgiye mu Bufaransa.

Mu kwezi gushize, abaturage banze gutora abakandida b'amaashyaka abiri akomeye y'aba Socialisite (socialistes) n'aba Repubulikani.

Uyu munsi barahitamo uzaba perezida mushya w'Ubufaransa hagati ya Emmanuel Macron, ushyigikiye ko igihugu kiguma mu muryango w'ubumwe bw'ibihugu by'Uburayi, EU, na Marine Le Pen ugendera ku mahame y'ubuhezanguni kandi ushaka ko Ubufaransa buva muri EU.

Uwufise ububasha kw’isanamu AFP
Image caption Abatora mu bice byo hanze bigenzurwa n'Ubufaransa nka Guiane bazindutse batora.

Bwana Macron avuga ko yibasiwe n'ibitero by'ubusambo bwiba amabanga ku mbuga za interineti ku wa Gatanu igihe ibikorwa byo kwiyamamaza byarangiraga.

Kugeza ubu we na Le Pen ntibemerewe n'amabwiriza agenga amatora kugira icyo batangaza mu ruhame.

Ariko perezida utegeka igihugu, Francois Hollande, yavuze ko ibi bitero bitazagenda gusa nta ngamba zifashwe zo kubisubiza.