Obama yaburiye Trump kudaha akazi Michael Flynn

Michael Flynn yirukanwe ku kazi kubera kubeshya perezida Trump Uwufise ububasha kw’isanamu Getty Images
Image caption Michael Flynn yirukanwe ku kazi kubera kubeshya perezida Trump

Ibiro by'umukuru w'igihugu muri Amerika, byemeje ko Barack Obama yaburiye perezida Donald Trump kudaha akazi Michael Flynn nk'umujyanama mu rwego rw'umutekano.

Abakoraga mu biro bya Bwana Obama bavuga ko yaburiye uwamusimbuye mu masaha 48 nyuma y'itorwa rye mu kiganiro bagiriye muri White House (ibiro bya perezidsa).

Kuba Bwana Flynn yarabonanye na ambasaderi w'Uburusiya byagarutse mu ihatwa ry'ibibazo muri sena kuri uyu wa Mbere.

Yirukanwe ku mirimo ye mu kwezi kwa Kabiri kubera ko yahishe aya makuru.

Bwana Flynn, umusirikare wo mu rwego rwo hejuru (liyetona jenerali) ariko wakivuyemo, yabeshye ubutegetsi bwa Trump ko atigeze agirana ibiganiro na ambasaderi w'Uburusiya, Sergei Kislyak, ku bijyanye n'ibihano Amerika yafatiye Uburusiya mbere y'irahizwa ku mugaragaro rya perezida Trump.

Kuri uyu wa Mbere, ushinzwe itangazamakuru mu biro by'umukuru w'igihugu, Sean Spicer, yabwiye abanyamakuru ati:

"Ni byo perezida Obama yerekanye ko atakundaga jenerali Flynn."

Ariko yongeyeho ko ibyo bidatangaje kubera ko ngo Flynn yakoranye n'ubutegetsi bwa Obama kandi akaba yaramunengaga ku bijyanye na gahunda ye idatomoye yo kurwanya umutwe wa ISIS n'ibindi bibazo by'umutekano byari byugarije Amerika.